Drejtori i Zyrës Serbe për Kosovën, Petar Petkoviq, ka thënë se me marrëveshjen për dokumentet ruhen letërnjoftimet e serbëve që jetojnë në Kosovë si dhe paqja dhe stabiliteti. Ai ka shtuar se serbët nuk do të heqin dorë nga tabelat “KM”.Petkoviq për RTS, tha se ky është një vendim shumë i rëndësishëm dhe domethënës pas një lufte të gjatë dhe të vështirë diplomatike në javët e fundit, sipas tij, nga presidenti Aleksandar Vuçiq, transmeton Klankosova.tv.Ai tha se kartat e identitetit serb, dhe për rrjedhojë, siç thotë ai, ekzistenca e shtetit të Serbisë në zonën e Kosovës, janë ende të vlefshme, si dhe, sipas tij, serbët do të përdorin vetëm dokumentet e tyre, të cilat janë lëshuar nga Republika e Serbisë.“Ne arritëm të arrijmë një marrëveshje dhe të marrim garancitë e BE-së, që ishte gjëja më e rëndësishme për ne, dhe që në fakt do të thotë se ne arritëm të ruanim letërnjoftimet serbe për serbët që jetojnë në Kosovë”, tha Petkoviq.“Ishim në prag të një krize dhe konflikti të rëndë, të cilin në radhë të parë e dëshironte Albin Kurti në veri të Kosovës, për të ri ndezur fuçinë e barutit në zonën e Ballkanit Perëndimor. Arritëm të vinim në një marrëveshje dhe të gjendet një zgjidhje… Serbët nuk do të heqin dorë nga targat KM”, thaPetkoviq.
