Pingponistëve të rinj të Kosovës u është pamundësuar pjesëmarrja me të drejta të barabarta në Evropianin U-21, që është mbajtur në Beograd të Serbisë.
Komiteti Olimpik i Kosovës përmes një reagimi të shtunën ka fajësuar politikën serbe për këtë vendim, që siç thotë KOK-u, po vazhdon të diskriminojë sportistët tanë.
“Komiteti Olimpik i Kosovës (KOK) ka qenë në kontakt të vazhdueshëm me Federatën e Pingpongut të Kosovës gjatë procesit të pjesëmarrjes në Evropian, për çka dënojmë veprimin e radhës të përzierjes së politikës serbe në sport, e që nuk është rasti i parë, kur bëhet fjalë për sportistët tanë”, thuhet në nreagim.
KOK-u shpreson që Federata Evropiane e Pingpongut (ETTU), të marrë masat e nevojshme ndaj organizatorit të Evropianit, në këtë rast Serbisë, “me besimin se diskriminimet e tilla do të marrin fund një herë e përgjithmonë”.
Evropiani për U-21 në Beograd nisi më 7 dhe përfundoi më 15 korrik.
