Policia e Kosovës ka njoftuar se një person kishte hyrë ilegalisht nga Serbia në Kosovë të shtunën.
Lajmin e ka konfirmuar Policia e Kosovës.
“Derisa policia ka qenë në vëzhgim në vijën kufitare kanë vërejtur një veturë me targa të Serbisë të cilën e kanë ndaluar, gjatë kontrollimit të dokumentacionit të vozitësit është kuptuar se i njëjti ka kaluar kundërligjshëm kufirin duke hyrë brenda territorit të Republikës së Kosovës”, thuhet në njoftimin e policisë.
Tutje, policia bën të ditur se pas intervistimit i dyshuari me vendim të prokurorit është liruar në procedurë të rregullt.
