Policia e Kosovës sot ka arrestuar serbin A.Ç në Jarinjë, për shkak të dyshimit se, siç thuhet nga PK-ja, ai më parë kishte “fotografuar objekte në mënyrë të paautorizuar” në pjesën jugore të Mitrovicës. KoSSev jozyrtarisht mëson nga një burim i besueshëm se bëhet fjalë për pjesëtar të xhandarmërisë serbe.
Ndalimi ka ndodhur rreth orës 09:00, kur A. Ç me banim në Kosovë, ka arritur në vendkalimin Jarinje nga Serbia.
Zëvendëskomandanti i Policisë së Kosovës për rajonin e Veriut, Veton Elshani, thotë se në këtë vendkalim, gjatë kontrollit të dokumentacionit nga zyrtarët e Policisë së Kosovës, ka dalë njoftimi se A. Ç ishte në “stop listë”.
Elshani thekson se ky person ishte në kërkim për shkak të dyshimit se kishte fotografuar në mënyrë të paautorizuar objekte në Mitrovicën e Jugut.
Elshani nuk foli se cilat ishin objektet e fotografuara.
Pas arrestimit, pjesëtari i xhandarmërisë u soll në stacionin policor në Mitrovicën e Jugut për t’u marrë në pyetje. Elshan supozon se i njejti do të lirohet pasi të merret në pyetje.
