Nuk janë të rralla rastet kur Policia e Kosovës has në personat që mbajnë armë pa leje, gjë që vazhdimisht po e cenon sigurinë e qytetarëve të vendit si dukuri negative. Një rast i tillë u zbulua edhe mbrëmë, gjatë intervenimit të Policisë në një restorant, ku kishte ankesa për muzikën me zë të lartë.
Siç mëson Sinjali, zyrtarët policorë kanë kapur në flagrancë një 24-vjeçar me armë në duar, kur arritën në restorantin ‘Villa Llux’.
I dyshuari është arrestuar menjëherë në vendin e ngjarjes dhe i është sekuestruar arma.
Ai është shoqëruar në stacion policor, ku është intervistuar për veprën me të cilën ngarkohet dhe më pas me urdhër të Prokurorit të Shtetit, ndaj tij është iniciuar rasti ‘Mbajtje në pronësi, kontroll, posedim i paautorizuar i armëve’.
