Policia e Kosovës ka identifikuar 5 shoferë teksa ishin duke vozitur nën ndikim të alkoolit në autostradën “Arben Xhaferi”.
Siç njofton Policia, ata janë gjobitur me nga 200 deri në 500 euro dhe ju ka ndaluar vozitja nga 6 deri në 12 muaj, shkruan Jepi zë.
Policia ka apeluar për kujdes të shtuar gjatë vozitjes në kohën kur aksidentet me fatalitet janë shtuar në vend.
Komunikata e plotë:
Në autostradën “Arben Xhaferi” identifikohen pesë (5) shoferë duke drejtuar automjetin nën ndikimin e alkoolit (gjobiten me gjobë nga 200 deri në 500 euro dhe iu ndalohet drejtimi i mjetit me veprim motorik nga 6 deri në 12 muaj, varësisht nga sasia e alkoolit në gjak).
Do të vazhdojmë me ndërmarrjen e masave dhe veprimeve policore ndaj kundërvajtësve të ndryshëm të cilët rrezikojnë sigurinë në trafikun rrugor.
Policia e Kosovës APELON tek të gjithë pjesëmarrësit në trafik që të kenë kujdes më të shtuar, të respektojnë rregullat dhe shenjat e trafikut rrugor si dhe t’iu përshtaten kushteve të rrugës, për të pasur një siguri më të madhe në trafik.
