Heqja e barrikadave në Veri po flitet se
tashmë është veç çështje orësh.
Këto barrikada janë të vendosura në rrugët nacionale që çojnë drejt pikave kufitare me Serbinë, shkruan Jepi zë.
Rrugët janë bllokuar kryesisht nga banorë serbë lokalë, por autoritetet e Kosovës thonë se barrikadat janë vendosur me urdhër të Beogradit.
Në mesin e barrikaduesve janë parë edhe persona me të kaluar kriminale, prej tyre edhe të armatosur.
mësohet se këto barikada pritet të hiqen sonte pas mesnate.
Vuçiq u shpreh më herët se barrikadat duhet të hiqeshin, me ç’rast zhvilloi një takim në Rashkë.
Ndërkaq, një reagim erdhi sonte nga Presidentja Osmani, e cila tha se çështja e largimit të barrikadave është çështje orësh, dhe në rast se nuk do të hiqen, do të veprojnë institucionet e Kosovës.
