Debati i fundit mbi diplomën e doktoraturës së Nexhmedin Spahiut, analist, shkaktoi shumë reagime. Një prej tyre, ishte edhe një postim i gazetarit Valon Syla, i cili ka pretenduar se në një vizitë të para disa viteve në Slloveni, Spahiu ishte kapur duke vjedhur disa telefona. Ky i fundit, i ka mohuar këto akuza ndaj tij, e madje, ka pasur fjalë të rënda edhe për gazetarin në fjalë.
Gazetari Valon Syla mbrëmjen e së premtes përmes një shkrimi në Facebook, tregoi një ngjarje e cila sipas tij, ka ndodhur në vitin 2004 në Slloveni.
Ai përmend me emër Nexhmedin Spahiun, për të cilin thotë se gjatë një vizite të gazetarëve atje, kishte vjedhur disa telefona, për të cilës, më pas iu lëshua edhe alarmi.
“Në një vizitë të gazetarëve në Slloveni diku kah viti 2004, i pat vjedh do telefona… E te nxunen, kur u dhezën alarmat tu dal prej dere, me nja 4 a 5 në një çantë, e t’na boni horë para botës dhe nikoqirëve aty… kur na hallakatën krejtve si hajna sherri i tij.” – tha ai.
Spahiu e demanton
Krejt këto, i ka demantuar Nexhmedin Spahiu, i cili në një deklaratë për Nacionalen, ka thënë se “janë shpifje të ndyra” ndaj tij.
“Shpifje e ndyrë e atij pisi…shpifje është, shpifje më e ndyra që mundet me ekzistu,që veç prej gojës së Valon Sylës mundet me rrjedhë kjo. Natyrisht (që e mohoj), shpifje e ndyrë. Shpifje, domethënë, s’ka ku shkon më andej, këtë vetëm një shpifës si Valon Syla mund ta bëjë.” – tha ai.
Spahiu tutje u shpreh se po bëhet një fushatë kundër tij, duke thënë se “njerëzit e njohin dhe ia dinë aftësitë” që ka.
“Nuk kam nevojë me reagu, secili çka vjell prej goje, qysh me u marrë me Valon Sylën, nuk është nivel i jemi. Në studio ku është Valon Syla nuk marr pjesë. Është shpifës, nuk mundesh me u ndotë me dikë ashtu.” – tha ai.
Mes tjerash, e përmendi edhe gazetarin Lirim Mehmetaj, për të cilin, po pretendon se ka orkestruar fushatë kundër tij.
“Shiko, unë marr pjesë në debat me dikë që nuk është nivel i jemi për nga ngritja akademike, por që është i ndershëm. S’është e thënë krejt panelistat me qenë në një nivel, krejt në rregull, s’e kam problem me hi me dikë në një panel që e ka kryer vetëm shkollën e mesme a fillore, por është është problematike me dikë që rren, shpif, ta thotë rrenen sy më sy.
Të tillë janë Valon Syla, ky Mehmetaj që s’e kam njoftë, kur e kam parë që është rrenc, unë kam thënë nuk vij më kur…mos më thirr. Pastaj u idhnu edhe Panduri, dhe e ka orkestru këtë. I kthehet boomerang, nuk jam fort i shqetësuar.” – është shprehur ai.
Ndërkohë, vlen të përmendet që gazetari Mehmetaj para pak ditësh në “Debat Plus” hodhi dyshime mbi kredencialet akademike të Spahiut.
Sipas tij, ai nuk ka fare doktoraturë.
“Ky nuk ka doktoraturë, që tha e ka në Budapest në 99-tën. Kjo është CV-ja e tij… ky vetë po thotë që nuk ka doktoraturë, është me master. Kur nuk ke doktoraturë dhe punime shkencore, e ke të pamundur me ushtru profesionin e profesorit unvierstar, sepse nuk ke thirrje akademike.” – deklaroi ai./Nacionale
