Shfrytëzimi i punëtorëve nga sektori privat në Kosovë, e sidomos shkelja flagrante e të drejtave të tyre tashmë është bërë një përditshmëri në Kosovë.
Ani pse punëtorët detyrohen të punojnë për kafshatën e gojës, prapë se prapë atyre u shkelen shumë të drejta që ua garanton Ligji i Punës në vendin tonë.
Një rast i shkeljes së të drejtave të punëtorit është evidentuar nga Inspektorati i Punës, ku më pas subjektit afarist “Misini Kitchen and Sweets Sh.P.K.” me lokacion tek liqeni artificial në Mitrovicë, i është shqiptuar gjobë në vlerë 6 mijë.
Punëtorë pa kontrata, moslajmrim i punëtorëve në Administratën Tatimore të Kosovës, mosprezantim i listës së pagave e vendimeve për pushime vjetore, mos trajnim i punëtorit për përdorimin e aparatave kundër zjarrit, mos kontrollim mjekësor të punëtorëve, mungesë e çertifikatave për aftësitë psiko-fizike të punëtorëve, mos angazhim i një eksperti për sigurinë dhe shëndetin në punë, janë gjetjet nga inspektimi me të cilat është bërë shkjelja e akteve ligjore nga restoranti “Misini Kitchen and Sweets shpk”
Veriu.info dje ka raportuar ekskluzivisht përmes sigurimit të dokumentit për biznesin me nam në Mitrovicë që ua shkel me të dyja këmbët të drejtat punëtorëve.
Veriu.info sot do të sjellë ekskluzivisht pjesën e dytë të vendimit të Inspektoratit të Punës ku evidentohen një “mal” shkeljesh pas procesit të inspektimit nga ky insitucion.
Inspektorati i Punës në planin e saj të rregullt të punës ka kryer inspektim në subjektin afarist “Misini Kitchen and Sweets Sh.P.K.” në Mitrovicë tek liqeni dhe ka nxjerrë gjendjen faktike nga aty.
Punëdhënësi, pra “Misini Kitchen and Sweets Sh.P.K.” nuk ka lajmëruar në ATK katër punonjës, S.M, Sh.T., V.H, L.H., duke shkelur kësisoj nenin 7 paragrafin 4 të Ligjit të Punës.
Po ashtu “Misini Kitchen and Sweets Sh.P.K.” nuk ka prezantuar kontratat e punës për punonjësit e evidentuar në listë..
Inspektoratit nuk iu është prezantuar vendimet për pushimet vjetore në 3 vitet e fundit dhe lista e pagave për dy vitet e fundit, i obliguar nga Ligji i Punës.
Por shkeljet e “Misini Kitchen and Sweets Sh.P.K.” nuk ndalen me kaq, pasi ka bërë një mal shkeljesh edhe nga lëmia e Sigurisë dhe Shëndetit në Punë.
Nga inspektimi i kryer nga Inspektorati i Punës, është gjetur se “Misini Kitchen and Sweets” nuk ka trajnuar asnjë punonjës për përdorimin e aparate kundër zjarrit, duke shkelur nenin 11 të Ligjit për Sigurinë dhe Shëndetin në Punë.
Po ashtu nuk ka prezantuar as dëshmitë e kontrolleve mjekësore dhe çertifikatat për aftësitë psiko-fizike të punëtorëve, konform ligjit.
Shkeljet nuk përfundojnë me kaq, pasi ky biznes ka shkelur edhe nenin 10 të Ligjit për Sigurinë dhe Shëndetin në Punë, duke mos angazhuar ekspert për sigurinë dhe shëndetin në punë.
Veriu.info ju sjellë të plotë dokumentacionin e Inspektoratit të Punës. ku janë evidentuar “mal” shkeljesh nga “Misini Kitchen and Sweets”:
