Kryetari i Komunës së Mitrovicës, Bedri Hamza, gjatë ditës së sotme ka pritur në takim përfaqësuesin e Bankës Ndërkombëtare për Rindërtim dhe Zhvillim (IBRD) z. Neil Taylor.
Gjatë këtij takimi është diskutuar lidhur me realizimin e projektit në ndërtimin e impiantit për trajtimin e ujerave të zeza si dhe rrjetin e kanalizimit në Mitrovicë.
Me këtë rast kryetari Hamza pasi e falënderoi për vizitën zyrtare përfaqësuesin e IBRD-së, z. Neil Taylor, dhe mbështetjen që ky institucion ka dhënë në fuqizimin dhe zhvillimin ekonomik të vendit tonë, ka ofruar bashkëpunimin e tij të plotë në realizimin e këtij projekti por edhe të projekteve tjera të cilat do të kontribuojnë në përmirësimin e jetës së qytetarëve të Mitrovicës.
Projekti për ndërtimin e impiantit “ITUZ” për trajtimin e ujerave të zeza parashihet të kushtoj rreth 30 milion euro, me kapacitet të trajtimit të ujërave të zeza prej një mijë litra në sekondë, ku do të përfshihen edhe komunat e tjera të rajonit.
