Shefi i GP-së së Partisë Demokratike të Kosovës, Abelard Tahiri, ka thënë se kryeministri Albin Kurti i ka sjellë Kosovës në tavolinë një marrëveshje të dëmshme.
Në konferencën për media pas mbledhjes së Kryesisë së Kuvendit, Tahiri ka thënë se tashmë po hapet një proces i ri i dialogut.
“Vetë institucionet e Kosovës në një formë po e kontestojnë shtetësinë tonë. Neni 7 po e etablon atë që do të ndërtohet e që ka me qenë autonomia e serbëve. Nuk është Asociacioni më çështje, është neni 7, është autonomia që ne e marrim si obligim ndërkombëtar”, ka thënë ai.
