Me iniciativë të prindërve të Betina Ymerit e cila për shkak të kërcënimeve nga fejuari i saj përfundoj në vetëvrasje, të Premtën nga ora 12:00 para Gjykatës Themelore në Mitrovicë do të protestohet.
Protesta organizohet për t’ju bërë thirrje institucioneve gjegjëse që rastin ta trajtojnë me prioritet dhe në mënyrë profesionale që fajori ta marrë denimin e merituar.
Njëkohësisht prindërit duan të përçojnë mesazh tek prindërit e tjerë që të kujdesen më shumë për fëmijet e tyre dhe të komunikojnë më shumë me fëmijët për shqetësimet që ata kanë.
“Ky sistem e kjo mendësi të ndryshoj, që fëmijet tonë të ndihen të sigurt dhe jo të vetmuar. Mos të ndodh ma edhe një vetëvrasje, mos të ndodh ma edhe një kërcënim tjetër që çon në vetëvrasje, mos të ndodh ma edhe një humbje jete”, thuhet në njoftimin për protestë.
