Instituti Hidrometeorologjik i Kosovës ka njoftuar se kjo javë do të karakterizohet nga masat e ngrohta të ajrit, por relativisht të paqëndrueshme edhe sot, pasi parashihen vranësira të çrregullta që vende–vende pritet të sjellin reshje lokale shiu.
Sipas IHMK-së, nga nesër pritet stabilizim i masave të ajrit, pasi që në fushat barike pritet rritje e ngadalshme.
“Temperaturat minimale gjatë kësaj periudhe pesëditëshe do të lëvizin ndërmjet 9-14 gradë Celsius, ndërsa maksimalet e ditës parashihen të lëvizin ndërmjet 24-32 gradë Celsius. Do të fryjë erë kryesisht nga juglindja me shpejtësi 1-9m/s.
Kushtet biometeorologjike do të jenë relativisht të mira, po ashtu edhe kushtet agrometeorologjike paraqiten të mira, për shkak te prezencës së reshjeve ditëve të fundit dhe orëve me diell që do të jenë gjatë javës që po na pret.
Fatkeqësisht në shumë zona, por në sipërfaqe të kufizuara kishte edhe reshje breshëri që shkaktuan dëme në shumë kultura bujqësore që u përfshinë.”
