Shefi i Grupit Parlamentar të PDK-së, Abelard Tahiri, ka thënë se të mërkurën Kuvendi ka në rend dite draftligjin për tërheqjen e 30 përqindëshit nga Trusti.
Ai tha se kjo kërkesë vjen në kohën që vendi po ballafaqohet me rritje të madhe të çmimeve.
“Ky draft ligj prek rreth 695 mijë qytetar kontribuues. Pozita në këtë rast besoj se do të reflektoj dhe t`i marrë parasysh kërkesat e qytetarëve”, tha ai.
Tahiri poashtu foli edhe për përjashtimin e veteranëv nga projetligji për pagën minimale.
“Të lihen jashtë pagës minimale kategoria më e ndjeshme në vendin tonë është e pa pranueshme. Në asnjë rrethanë nuk duam që veteranët ti shndërrojmë në kauzë politike, shpresojmë që veteranët ta bashkojnë pozitën e opozitën”, tha Tahiri. /GazetaExpress/
