Nga janari, kryeministri dhe kryetari i Kuvendit do të marrin nga 1 mijë e 870 euro, apo 85 euro më shumë sesa marrin tash.
Kryetari i Gjykatës Kushtetuese do të paguhet 1 mijë e 925 euro në muaj, 88 euro më shumë se aktualisht.
Kryeministri i Kosovës, Albin Kurti në mbledhjen e kabinetit qeveritar, ku është shqyrtuar Projektligji mbi ndarjet buxhetore për vitin 2024, ka thënë se koeficienti i pagave do të jetë 110 euro.
Sipas Kurtit, buxheti për vitin 2024 do të jetë 3.3 miliardë euro.“Për sektorin publik, kemi thënë qysh në fillim të këtij viti se koeficienti i pagave për vitin 2024 do të jetë 110 euro dhe këtë po e realizojmë, pra po i rrisim pagat në sektorin publik ashtu siç kemi thënë. Të gjitha përllogaritjet e buxhetit tek kategoria e pagave janë duke marrë për bazë edhe rritjen e koeficientit dhe gjithsej buxheti për paga parashihet të jetë 805 milionë euro apo rreth 30% më lartë se buxheti para pesë viteve”, ka deklaruar Kurti.
Nga 105 euro sa është tani, koeficienti i pagave në sektorin publik për vitin 2024 do të jetë 110 euro.
Kështu ka thënë dje kryeministri Albin Kurti, pasi është miratuar buxheti për vitin e ardhshëm i cili do të jetë 3 miliardë e 314 milionë euro,
“Për sektorin publik, kemi thënë qysh në fillim të këtij viti se koeficienti i pagave për vitin 2024 do të jetë 110 euro, dhe këtë po e realizojmë. Pra, po i rrisim pagat në sektorin publik ashtu siç kemi thënë. Të gjitha përllogaritjet e buxhetit te kategoria e pagave janë duke marrë për bazë edhe rritjen e koeficientit. Dhe, gjithsej buxheti për paga parashihet që të jetë 805 milionë euro, apo rreth 30% më lartë sesa buxheti para 5 viteve”, u shpreh Kurti në mbledhjen e Qeverisë.
