Drejtori i ri sportiv i KB “Trepça”, Besim Braha me ardhjen e tij ka sjellur një dinamikë krejt tjetër në klub.
Ai ka thënë se beson që Trepça do jetë në finale deri në fund, e poashtu ka theksuar se e sheh skuadrën si të kompletuar deri në fund të stinorit përcjell Qyteti i Mitrovicës.
“Po lojtarë sa ka Trepça s’ka asnjë ekip, sepse kemi, por prapë po them, shpresoj që këta djem secilën lojë kanë me tregu lojë më të mirë e më të mirë. Lojtarë kemi mjaftë, përjashtim Prishtina që ka arritë një komponim koxha të mirë tash në këtë kohë, tjerat ekipe kanë lojtarë, por jo sa kemi ne. Shpresoj që ky trajneri që ka ardhur, ky do të dijë qysh me i menaxhu edhe unë besoj shumë në këta djemë, kam besim shumë të madh, ne me Prishtinën me Yllin e shoh aty diku ka finalja”, ka deklaruar dikur ylli i Trepçës në parket në emisionin Asist.
Veç kësaj, Braha e komentoi edhe rezultatin që pret nga ndeshja në vikendin e ardhshëm karshi KB “Golden Eagle Ylli”.
“Ishalla ka me qenë e treta e vërteta, unë prapë po them që edhe pse Ylli ka 15 fitore rresht, po në asnjë ndeshje nuk ka fituar me rezultat bindës kështu, me Vëllaznimin së fundmi ka shkuar në vazhdime, gjithmonë ka qenë ngushtë. Mendoj që është tereni vendas, një motiv për ne goxha i mirë, plus kjo ndeshja e fundit me Pejën që e fituam, na shton një motiv është më shumë. Do të përgatitemi maksimalisht, ne e dimë trajnerin e Yllit, i dijmë edhe lojtarët e Yilit, kush janë, tek janë, do të qasemi maksimalisht, prej ditëve të punës, normalisht në stërvitje e deri tek dita e ndeshjes, shpresoj të fitojë më i miri”, tha ai
