Kryetari i Komunës së Zubin Potokut, Izmir Zeqiri, i cili vjen nga radhët e Partisë Demokratike të Kosovës, ka bërë të ditur se mbështet veprimet e kryeministrit të Kosovës, Albin Kurtit, në raport me situatën e krijuar në Veri të Kosovës, meqë sipas tij vendimet e ekzekutivit kosovar janë të drejta dhe ligjore.
Komuniteti ndërkombëtarë, me theks të veçantë Bashkimi Evropian dhe Shtetet e Bashkuara të Amerikës kërkojnë dorëheqjen e kryetarëve të sapozgjedhur në Veri, si një nga pikat për ta shtensionuar situatën në këtë pjesë të vendit, megjithatë Zeqiri thekson se ai është i fokusuar ta çojë mandatin e tij deri në fund, dhe se dorëheqja për të nuk është opsion në këtë fazë, qoftë edhe nëse n“Parësor për mua është interesi shtetëror dhe nëse kërkohet të shkohet në zgjedhje të reja, siç kërkojnë ndërkombëtarët, duhet të gjenden format ligjore dhe jo të na kërkohet dorëheqja”, është shprehur ai në një intervistë për agjencinë e lajmeve kosovare, Kosova Press.
Zeqiri, ndryshe nga kolegu i tij nga komuna e Leposaviqit, Lulzim Hetemi, ka vendosur që detyrën e kryetarit ta kryejë nga zyra alternative, shprehet i habitur se çfarë mund të bëjë një kryetar i mbyllur në ndërtesën komunale, pa kontakte e pa bashkëpunim.
