Kuvendi Komunal i Mitrovicës sot ka miratuar buxhetin për vitin 2023. Fisnik Krasniqi gjatë kësaj seance ngriti dy çështje me të cilat tha se qytetarët e Mitrovicës përballen çdo ditë.
Ai përmendi trajtimin e qenëve endacakë që do ta rriste sigurinë publike si dhe ndërtimin e shtegut të çiklizmit.
Postimi i plotë:
Në mbledhjen e Kuvendit Komunal me shumicë votash u miratua buxheti për vitin 2023 💚
Fjalimi im në seancën e Kuvendit Komunal :
“ I nderuar kryetar i Komunës së Mitrovicës z.Bedri Hamza, nënkryetar Tahiri, anëtarë të ekzekutivit, kolegë të Kuvendit Komunal dhe ju të respektuar qytetarë të Mitrovicës.
Sot para vetes kemi Draft buxhetin Komunal për vitin 2023 dhe parashikimet për vitet 2024-2025, ndryshe me plotë përgjegjësi e them se ky është dokumenti në përmbajten e të cilit është transformimi i qytetit të Mitrovicës drejt zhvillimit dhe prespektives andaj primare për secilën dhe secilin nga ne duhet të jetë që përtej përkatësive partiake ajo që na bashkon është Mitrovica.
Ne e kemi të qartë se planifikim buxhetor të perfeksionuar nuk ka ashtu siç nuk ekziston e përkryera në qenien njerëzore por duhet të jemi të sinqertë para qytetarëve të Mitrovicës se duke gjykuar brenda prizmit racional dhe mundësisë së realizimit është buxheti më i mirë të cilin mund ta kemi si Komunë e Mitrovicës.
Ky buxhet është për Mitrovicasit dhe është i domosdoshëm për qytetin e Mitrovicës.
Një fakt që më duhet ta përmendi është se Mitrovica ka dendësi të lartë të popullsisë faktikisht rreth 208 banorë për km2 andaj edhe rritja e kualitetit në shërbime publike si : Ndërtimi i rrugës “Lah Nimani” dhe “Elvia Qelebia“ , ndërtimi i rrugës “Ali Zeneli”, Rregullimi-riparimi i rrugës “Mbretëresha Teutë“ , ndërtimi i urës tek Liqeni Akumulues, ndërtimi dhe sanimi i rrugëve, rregullimi i shtratit të lumenjëve, rregullimi i shesheve dhe rregullimi i sheshit me vendosjen e shtatores së heroit kombëtar Adem Jashari, paraqet lehtësimin e jetës së qytetarëve në fshatra dhe qytet.
Unë në këtë diskutim shfrytëzoj ti përmend edhe dy pika në të cilat qytetarët e mitrovicës ballafaqohen çdo ditë dhe mendoj se është bërë shumë mirë që janë trajtuar.
1. Fillim-aplikimi i politikës publike për trajtimin e qenëve endacak konform ligjeve për trajtimin e kafshëve, kjo do ta rris sigurinë publike dhe lëvizjen e lirë të qytetarëve pasi që tani për tani janë një problem i madh i shoqërisë sonë dhe mos reagimi ndaj kësaj situate paraqet rrezik të theksuar për qytetarët, andaj ju përgëzoj që tani është trajtuar ky problem në projekt-buxhet në kuadër të drejtorisë përkatëse (drejtoria për siguri dhe emergjenca).
2. Me ndërtimin e rrugëve “Lah-Nimani”, “Elvia Qelebia”, “Ali Zeneli” dhe riparimin e rrugës Mbretëresha Teutë do të ndërtohet edhe shtegu i çiklizmit përkatësisht vendosja e shtigjeve me ndarje vizuele (ngjyrë) dhe shenjëzimi vertikal-horizontal, kjo do të mundësoj qarkullimin e lirshëm dhe më të sigurt për biçikletat dhe mjetet e ngjashme transportuese-ekologjike. “
Falënderoj kryetarin Bedri Hamza për trajtimin e të gjitha kërkesave të anëtarëve të Kuvendit Komunal dhe qytetarëve të Mitrovicës 🙌
#bashkëpërMitrovicën
Bedri Hamza 💚
