Divizioni Komercial-Hekurudhat e Kosovës kishin njoftuar se nga kjo datë treni nuk do funksiononte për shkaqe operative, mirëpo kishin thënë se me rastin e ndryshimit të vendimit rreth operimit të këtyre trenave udhëtarët do te lajmërohshin me kohë.
Por tash, hekurudha do rikthehet në funksion.
Në ceremoninë e fillimit të punimeve të fazës së dytë për rehabilitimin e linjës së 10 hekurudhore Fushë Kosovë-Mitrovicë, kryeministri Albin Kurti tha se rehabilitimini kësaj hekurudhe i paraprin zhvillimit ekonomik, si dhe i shërben ndërlidhjes më të mirë të Kosovës me rajonin dhe Evropën.Ishte 3 marsi i vitit 2008 kur treni i fundit që bartte udhëtarë kaloi në relacionin që përfshinte Mitrovicën si stacion ndalese, shkruan MitropolQë nga kjo datë, treni nuk kaloi më për të mbledhur udhëtarë Trenat që kalonin në itinerarin e Mitrovicës ishin ata që operonin në relacionin Fushë Kosovë- Leshak, e që i fundit i këtij lloji kaloi kah Mitrovica në 3 marsin e vitit 2008.“Me situatën e volitshme ekonomike dhe potencialin zhvillimor, projekti si ky i sotmi shërbejnë nismave të qeverisë për të rritur bashkëpunim për zhvillim ekonomik. Kjo lidhje hekurudhore do të rezultojë në përmirësim te kapacitetetit hekurudhor si për udhëtarë, po ashtu edhe për mallra dhe në përmirësim te dukshëm edhe të kohës së udhëtimit, do të transportojmë më shumë, do të shkojmë më shpejtë”.
“Në këtë linjë do të zhvillohet qarkullimi i trenave me një shpejtësi prej 80 km h deri 120 km h, e po kaq e rëndësishme kjo linjë do të operojë emetime të zvogëluara të gazit. Përndryshe, transportin hekurudhor njihet mirë si transport i gjelbër, realizimi i tërësishëm i rehabilitimit gjeneral dhe modernizimit të linjës së dhjetë hekurudhore pritet të përfundojë në vitin 2024-2025 , kështu Kosova do të ketë një linjë hekurudhore e cila i plotëson të gjitha kërkesat e interoperabilitetit të përcaktuara sipas direktivave të Bashkimit Evropian”, tha Kurti./Mitropol/
