Nga Presidenca e Kosovës kanë reaguar ndaj deklaratave të presidentit të Serbisë, Aleksandër Vuçiq, i cili gjatë ditës së stome ka thënë se barrikadat në veri do të largohen kur të krijohet Asociacioni i Komunave me Shumicë Serbe në Kosovë.
Shefi i Kabinetit të Presidentes së Republikës së Kosovës, Vjosa Osmanit, Blerim Vela ka thënë se me këto deklarata, Vuçiq e ka konfirmuar se ai po i përdor barrikadasuesit për të kërcënuar paqen në Kosovës dhe rajon, raporton Gazeta10.“Serbia e ka humbur totalisht komplotin e saj. Vuçiq është në gjendje të dëshpëruar për të justifikuar urdhrin e tij ndaj strukturave ilegale në Kosovë për të ngritur barrikada në veri. E vërteta është se nuk ka asnjë arsye që të ekzistojnë barrikada, përveç që Vuçiq t’i përdorë ato për të kërcënuar paqen në Kosovë dhe rajon”, ka shtuar ai.
Veriu vazhdon të jetë i bllokuar tani e dymbëdhjetë ditë, kjo për shkak se serbët lokal kanë vendosur barrikada duke pënguar levizjen e lirë të qytetarëve.Madje në veri të bllokuar kanë mbetur edhe disa pjesëtarë të policisë së Kosovës të cilëve në ndihmë u ka dalur EULEX-i me dërgimin e mjeteve higjienike, ushqim e veshmbathje.
Por, gjatë ditës së djeshme në një përgjigje për Kanal10, KFOR-i tregoi se ka transportuar 9 policë nga veriu që ishin të bllokuar, kjo për shkak të sëmundjeve të ndryshme që ata kanë pasur./Gazeta10
