Abdixhiku ka thënë se dëshiron ta mbajë në përgjegjësi Kurtin, i cili sipas tij, ka nisur procesin e dialogut duke e refuzuar si prioritet nacional.
”Sot dua ta mbajë në përgjegjësi një njeri që ka nis procesin dialogues duke e refuzuar atë si prioritet nacional. E tani në vitin e tretë të qeverisjes, e vetmja gjë që është marrë ka qenë dialogu”, ka thënë ai.
Lidhur me çështjen e Asociacionit të komunave me shumicë serbe në Kosovë, i pari i LDK-së tha se Kurti sonte e ka pranuar vetë se i ka ofruar palës serbe themelimin e tij”Jo më larg se dy orë më parë, përtej marrëveshjes, Kurti pranoi se e ka ofruar një asociacion”, ka thënë Abdixhiku.
Sipas tij, shefi i Qeverisë ka humbur momentum historik për arritje të marrëveshjes përfundimtare, siç kërkonin edhe Shtetet e Bashkuara të Amerikës.
”Janë tri elemente: Marrëveshje finale, ligjërisht e obligueshme dhe me njohje në të. Çështja është sa prej këtyre elementeve i kemi në të? A është marrëveshje finale? – jo nuk është. Sepse kemi marrëveshje bazë, jo përfundimtare”, ka thënë kreu i LDK-së në Rubikon të KK.
