Në tregjet botërore, çmimi i naftës ra për herë të dytë radhazi në dy javë, me më shumë se 4 për qind, pasi frika e tregtarëve për ndërprerjet e furnizimit me naftë nga Rusia për shkak të luftës në Ukrainë dhe sanksioneve perëndimore kundër Moskës u zbut, shkruajnë mediat ndërkombëtare.
Çmimi i një fuçie në tregun e Londrës ra 4.2 për qind javën e kaluar në 107.93 dollarë, ndërsa në tregun amerikan një fuçi ra për 4.25 për qind në 104.70 dollarë.
Në dy javët e fundit, çmimi i naftës ka rënë për gati 10 për qind. Në javën e parë të sulmit të Rusisë ndaj vendit, çmimi i një fuçie ishte rritur për rreth 20 për qind.
