Drejtoria e Inspekcionit ka ndërmarrë një aksion për lirimin e hapësirës publike tek njëri nga subjektet afariste që shtrihet përgjatë rrugës “Evlia Qelebia”.
Inspektorët komunalë kanë bërë të ditur se personi përgjegjës i këtij subjekti afarist ka bërë vendosjen e një terase pa leje nga organet kompetente.
Pas inspektimit të realizuar nga inspekcioni i komunës është bërë largimi i terasës dhe hapësira publike është kthyer në gjendjen e mëparshme.
Drejtoria e Inspekcionit njofton se do të vazhdojë me lirimin e hapësirave publike edhe me tutje, në mënyrë që këto hapësira të jenë në shërbim të qytetarëve.
