Drejtoresha e Drejtorisë Komunale të Arsimit, Drita Kadriu, së bashku me stafin e saj ka pritur në takim grupin punues për mbikëqyrjen e zbatimit të Ligjit për Inspektoratin e Arsimit, i formuar nga Komisioni për Arsim, Shkencë, Teknologji, Inovacion, Kulturë, Rini dhe Sport.
Ky grup punues ishte në përbërje me deputetet Albena Reshitaj, Arijeta Rexhepi dhe Arjeta Fejza.
Qëllimi i këtij takimi ishte njohja nga afër me nivelin e zbatimit të Ligjit për Inspektoratin e Arsimit në Republikën e Kosovës dhe sfidat me të cilat institucionet ligj zbatuese ballafaqohen gjatë punës së tyre.
Me këtë rast, drejtoresha Drita Kadriu gjatë takimit ka shpalosur informata në interesimin e deputeteve lidhur me zbatimin e ligjit dhe sfidat me të cilat ballafaqohet Komuna e Mitrovicës.
