KRONIKË E ZEZË
Kapen 35 bimë kanabis sativa në shtëpinë e një qytetari në Skenderaj
Policia e Kosovës ka gjetur dhe më pas shkatërruar 35 bimë të mbjella të kanabis sativa në shtëpinë e një personi në fshatin Klinë e Ulët e Skenderajt.
I dyshuari sipas njoftimit, është arrestuar dhe është dërguar në mbajtje.
“Njësia policore gjatë kontrollit të shtëpisë së të dyshuarit mashkull kosovar, ka gjetur dhe shkatërruar 35 bimë të mbjellura të Kanabis Sativa, 182 fara të bimëve narkotike, një grinder dhe një peshore. I dyshuari është arrestuar dhe me vendim të prokurorit, është dërguar në mbajtje”, thuhet në njoftimin e Policisë të premten.
