Ish-kryetari i komunës së Mitrovicës, Agim Bahtiri është kërcënuar nga një ish veteran i UÇK-së.
Veriu.info mëson se personi që po dyshohet se kërcënoi Agim Bahtirin është Saim Xhafa, i cili pretendon se gjatë kohës kur në Mitrovicë po udhëhiqte Lëvizja Vetëvendosje, në krye me Agim Bahtirin ia rrënuan objektin në të cilin ai po punonte për të siguruar “bukën e gojës”, por që të njëjtin objekt e kishte uzurpuar pasi që ishte pronë komunale.
Ky objekt vite më parë ishte këmbyer nga komuna me një pronë private për qëllime komunale, ku më pas pronari i ri e kishte rrënuar objektin, gjë që kishte shkaktuar reagime të shumta të Saim Xhafës, i njohur me nofkën “Kosharja”.
Asokohe autoritet komunale kishin konstatuar se Xhafa ishte uzurpator e jo pronar i kësaj toke që shfrytëzohej nga Xhafa.
Si rezultat i denoncimit të tij nga Agim Bahtiri në polici, Prokurori i Shtetit ka urdhëruar arrestimin e të dyshuarit Saim Xhafa, i cili akoma nuk është kapur dhe pasi të sigurohet prezenca e tij, do të ndërmerrn veprimet e tjera hetimore./Veriu.info
