Prokuroria ka njoftuar se S.J dhe I.S kanë kaluar fillimisht kufirin në Jarinjë dhe në bashkëkryerje kanë ndërmarrë të gjitha veprimet e nevojshme përgatitore dhe ishin pajtuar t’i bashkëngjiten turmës së protestuesve më datë 29.05.2023.
Megjithatë, policia kishte intervenuar dhe të njëjtit nuk kanë arritur t’iu bashkohen protestave të dhunshme ku u lënduan 30 ushtarë të KFOR-it, 3 prej të cilëve nga arma e zjarrit.Me këto veprime të pandehurit S.J dhe I.S. në bashkëkryerje e kanë kryer veprën penale ‘’Pjesëmarrja në turmë që kryen vepër penale huliganizmi’’ nga neni 404 paragrafi 1 dhe 3 lidhur me nenin 28 dhe 31 të Kodit Penal të Republikës së Kosovës (KPRK).
Ndërkaq, i pandehuri I.S akuzohet se ka mbajtur në pronësi, kontroll ose posedim të paautorizuar të armëve, si dhe gjatë kontrollimit të veturës së markës “Honda” me targa sllovene, të cilën e drejtonte i pandehuri, në bagazhin e veturës janë gjetur dhe sekuestruar katër sprej dhe një piper sprej për të cilat nuk kishte autorizim që ti mbaj. Me këto veprime i pandehuri e ka kryer veprën penale ‘’Mbajtja në pronësi, kontroll ose posedim të paautorizuar të armëve’’ nga neni 366 paragrafi 1 i Kodit Penal të Republikës së Kosovës (KPRK).
