Një drejtoreshë e një shkolle në fshatin Kçiq në komunën e Mitrovicës sot është sulmuar fizikisht nga një nxënës.
Sinjali raporton se i dyshuari, i cili është 15-vjeçar, e kishte penguar drejtoreshën e shkollës teksa ajo po merrej me disa aktivitete me disa nxënës në oborrin e shkollës.
Sipas burimeve, drejtoresha po ngjyroste disa vazo me disa nxënës, kur kishte shkuar i dyshuari dhe i kishte derdhur ngjyrën me të cilën ajo po punonte.
Drejtoresha kishte shkuar në oborrin e shtëpisë së të dyshuarit që të bisedojë me prindin e tij, por që aty ishte goditur me grushte në gjoks dhe në kokë nga 15-vjeçari.
