Policia e Kosovës njofton se është arrestuar një person në fshatin Kçiq të Mitrovicës, nën dyshimin se po kontrabandonte tetë sirianë.
Lajmi u bë i ditur përmes raportit 24 oësh të policisë, ku thuhet se migrantët u gjetën pas kontrollit të veturës së të dyshuarit.
“Policia gjatë kontrollit në veturën e tij të cilën ishte duke e drejtuar në rrugën nacionale (Prishtinë-Mitrovicë), kanë hasur në tetë (8) persona shtetas të huaj nga Siria, pa dokumente identifikuese”, thuhet në njoftim.
Policia njofton se me vendim të prokurorit, i dyshuari është dërguar në mbajtje, ndërsa shtetasit e huaj i janë dorëzuar DMH-së, për procedura të mëtejme.
