Sonte në ora 20:30 një person vodhi mbi 20 mijë euro në marketin QTA në Tavnik (Iliridë) të Mitrovicës, shkruan “Mitropol”.
Por i dyshuari, F. R, 40 vjeç është arrestuar nga Policia pas dy orësh.
Lajmin e konfirmoi për “Mitropol”, Avni Zahiti, zëdhënës i Policisë për Mitrovicën e Jugut.
“Si rezultat i veprimeve të shpejta operative hetimore hetuesit e Sektorit Rajonal të Hetimeve në mbështetje të Njësisë për Reagim të Shpejtë NJRSh, pas dy orë hetimi kanë arritur të identifikojnë dhe arrestojnë të dyshuarin F. R., 40 vjeç, shtetas i Republikës se Kosovës.”
“Arrestimi i të dyshuarit është bërë mbi dyshime të arsyeshme se sonte rreth orës 20:30, në rrugën ,,Rifat Vidishiqi në Mitrovicë, i dyshuari i maskuar dhe nën kërcënimin e armës në një dyqan ( market) ka grabitur një shumë të parave nga dyqani dhe kishte ikur në drejtim të panjohur.”, tha ai.
Hetuesit policorë në koordinim me prokurorin e rastit janë duke ndërmarrë veprime të mëtutjeshme lidhur me rastin e veprës penale grabitje./Mitropol/
