Dy persona janë arrestuar nga Policia e Kosovës për një vjedhje të kryer më 30 nëntor në marketin QTA në Iliridë (ish-Tavnik) të Mitrovicës, shkruan “Mitropol”.
“Sonte, rreth orës 20:30, policia në Mitrovicë ka pranuar informatën se në një dyqan ( market) në rrugën ,,Rifat Vidishiqi” në Mitrovicë, është kryer një grabitje. Bazuar në informata fillestare, dyshohet se një person i dyshuar nën kërcënimin e armës ka grabitur një shumë të parave nga dyqani dhe ka ikur në drejtim të panjohur.”, kishte thënë Zahiti.
Gjatë hetimeve, Policia dy ditë më parë ka identifikuar një person që dyshohet se ka qenë i përfshirë në rastin e grabitjes. Policia ka zbarkuar në shtëpinë e të dyshuarit në Mitrovicë të cilën e kanë bastisur dhe ia kanë gjetë një armë zjarri, një thikë dhe disa dëshmi tjera.
I dyshuari nuk është gjetur në shtëpi gjatë bastisjes, ndërsa kanë nisur hetimet për ta gjetë të dyshuarin. Sipas informacioneve, i dyshuari ishte futur në listën e personave të kërkuar nga Policia e Kosovës.
Policia javë më parë kishte kapur një 40-vjeçar, F.R., i cili dyshohet se ka qenë i përfshirë në grabitjen e QTA-së.
”Mitropol” nga burime brenda Policisë së Kosovës mëson se policia ka arrestuar personin që ndihmoi grabitësin për kryerjen e grabitjes, dy ditë më parë. Gjersa dje, siç mëson “Mitropol”, është arrestuar edhe i dyshuari kryesor për vjedhjen. Burime të portalit njoftojnë se i njejti është vetdorëzuar në polici.
Shuma e vjedhur nuk është 20 mijë euro siç ishte dyshuar në fillim, por bazuar në të dhënat që portali ka siguruar, shuma e vjedhur ishte veç 4 mijë euro.
