Kryeministri në detyrë i Kosovës, Albin Kurti, ka komentuar polemikat që kanë shoqëruar vendimin e Qeverisë për ndarjen e nga 100 eurove për qytetarët pak para nisjes së fushatës zgjedhore.
Kjo masë ka ngjallur diskutime të shumta në publik, ndërsa çështja u ngrit edhe gjatë emisionit “Politiko”, ku moderatori Kushtrim Sadiku e pyeti Kurtin nëse një veprim i tillë mund të interpretohet si përpjekje për të ndikuar te votuesit.
Kurti mohoi një gjë të tillë, duke theksuar se qytetarët e dinë mirë qëllimin e kësaj mbështetjeje financiare dhe nuk e lidhin atë me procesin zgjedhor.
“Unë besoj që qytetarët e Republikës nuk janë të tillë që e shohin këtë si ndikim në procesin zgjedhor. Ata e kuptojnë që kjo lidhet me zotimin tonë për Pakon e Përballjes me Inflacionin 2.0”, tha Kurti.
