Në Polici kanë përfunduar gjatë ditës së djeshme edhe një çift nga Mitrovica, pasi burri dyshohet se ka ushtruar dhunë ndaj bashkëshortes së tij.
Sinjali mëson se rastin e ka denoncuar 46-vjeçarja e cila është ankuar se vazhdimisht ka telashe me bashkëshortin e saj. Sipas saj, rastin e fundit ai ka eskaluar duke e ofenduar me fjalë nga më të ndryshmet. Si rezultat i denoncimit, i dyshuari është shoqëruar në stacion policor dhe pasi i është nënshtruar alkotestit ka rezultuar se ka qenë në gjendje të dehur.
Pas përfundimit të procedurave policore, me urdhër të prokurorit, i dyshuari është ndaluar për 48 orë dhe do të hetohet për veprën penale ‘Dhunë në familje’.
