Të nderuar tifozë,
I japim fund edicionit 2021/2022 në gjysmëfinale të plejofit. Jemi kualifikuar për garat evropiane dhe ky edicion mund të vlerësohet i suksesshëm.
Është koha të falënderojmë lojtarët dhe shtabin teknik për angazhimin gjatë edicionit të gjatë e të ngarkuar, në të cilin jem goditur nga shumë lëndime. Por kështu e ka sporti.
Një falënderim nga zemra për TORCIDËN që na ofroi përkrahje të zjarrtë dhe për bashkëqytetarët tanë që ishin pjesë e ndeshjeve.
Kemi bërë edhe një hap të madh drejt konsolidimit të plotë të klubit dhe kthimit të Trepçës aty ku e ka vendin. Mos të harrojmë që klubi kohë të gjatë ishte në krizë të thellë dhe në prag të largimit nga garat.
Derisa synimet gjithnjë janë maksimale, duhet vlerësuar rezultatin që e kishim.
Gjërat tjera shkojnë e vijnë, por një dhe e vetme është TREPÇA.
Faleminderit familja gjelbër e zi 🟢⚫️
