Pa rrymë elektrike, në të ftohtë të madh e duke rrjedhur uji. Kështu po organizohet procesi zgjedhor në një kontejner në Koshtovë të Leposaviqit.
Në këtë qendër votimi kanë të drejtë vote 63 qytetarë. Ndërkaq, deri më tani asnjë qytetar nuk ka shfrytëzuar të drejtën e votës, përfshirë kryetarin e kësaj komune, Lulzim Hetemin.
Kryekomisioneri Albert Bekteshi ka treguar se që nga mëngjesi kanë mungesë të rrymës elektrike.
Ai shtoi se i kanë lajmëruar të gjithë për kushtet e vështira, por nuk kanë ndërmarrë diçka.
