Policia në vend-ngjarje pas rrëzimit të një droni që dyshohet të jetë ushtarak
Një dron që dyshohet të jetë ushtarak ose policor është rrëzuar në oborrin e një shtëpie në Mitrovicë.
Sipas burimeve të gazetës Nacionale, të cilët kishin parë dronin në fjalë, e i cili ishte dy metra i gjatë në njërin krah, ai nuk kishte asnjë mbishkrim.
Burimi ka thënë se është thirrur edhe Policia e Kosovës që të merrej me rastin, dhe tashmë Policia del se ka arritur në vend-ngjarje.
Zëdhënësi i Policisë së Kosovës për rajonin e Mitrovicës, Avni Zahiti, i ka thënë Nacionales se nuk ka njohuri tash për tash për këtë ngjarje.
Ky dron nuk kishte asnjë mbishkrim që ishte i pajisur me një kamerë të madhe e të sofistikuar vëzhguese, dhe e cila përdoret për survejim/mbikëqyrje.
Burimi u shpreh se ishte njoftuar Policia e Kosovës dhe e cila kishte mbërritur në vendngjarje më pas.
Droni kishte pësuar një aksident në ajër, por kishte mbetur funksional edhe pak kohë pasi kishte rënë. Kjo ngjarje kishte ndodhur rreth orësh 14:00.
Edhe pasi ka rënë në tokë, ai provoi të ngritej lart”, na tha ai.
Ditë më parë, një dron i ngjashëm si ky që ka rënë në Mitrovicë ishte rrëzuar edhe në Zagreb të Kroacisë. Ai po fluturonte nga zonat e luftës në Ukrainë.
Droni i rrëzuar në Kroaci ishte i prodhimit sovjetik, dhe kishte fluturuar përmes Rumanisë dhe Hungarisë para se të hynte në Kroaci.
